Úrvalslið listamanna frumflutti dans- og tónverkið Drauma í aðkomugöngum Fljótsdalsstöðvar í gærkvöld að viðstöddum um 300 gestum. Þetta var upphafsatriði 20. djasshátíðar Egilsstaða á Austurlandi og verður lengi í minnum haft.

Grjótárgöng lengdust um hátt í 90 metra í síðustu viku og framgangur verksins var þar skínandi góður, einkum framan af vikunni. Unnið er samtímis í stöfnum beggja vegna bæði á dagvakt og næturvakt.

Austurrískir undirverktakar Ístaks hf. síga niður veggi Hafrahvammagljúfurs, fjarlægja laust grjót og koma síðan fyrir öryggisneti til að tryggja öryggi þeirra sem vinna munu í gljúfrinu í sumar og næsta sumar. Þeir munu sömuleiðis hreinsa laust grjót utan í sjálfum Fremri-Kárahnjúki og setja upp varnarvirki vegna hruns.

Leiðin yfir Kárahnjúkastíflu verður opin almennri umferð frá 15. júlí til 15. ágúst í sumar. Fram að því er óheimilt að fara um stífluna nema í hádeginu, kl. 12:00-13:00 í fylgd öryggiseftirlitsmanns frá verktakanum, Ístaki. 

A fjórða tug manna bættust við á framkvæmdasvæði Hrauna- og Jökulsárveitu í síðustu viku til að vera þar við byggingar- og jarðvinnu í sumar. Vel viðraði við útiverka alla vikuna og snjó tók frekar rólega upp, sem er að sjálfsögðu hagstætt.

Vatn jókst í Kelduá í rigningunni á föstudaginn (6. júní) og um kvöldið tók hún í sundur veginn. Rigningarveður var líka á laugardag og það tók þann dag nær allan að bæta við ræsi í veginn til að gera veginn akfæran á ný. Annars hefur snjó tekið tiltölulega hægt upp á hálendinu.

Hátt í 300 manns komu í Fljótsdalsstöð á laugardaginn til að kynna sér starfsemina þar í opnu húsi. Fólk fékk tækifæri til að skoða sjálft stöðvarhúsið inni í Valþjófsstaðarfjalli og að skoðunarferð lokinni gerði það skil kræsingum sem starfsfólk mötuneytisins í hlaðhúsinu hafði borið á borð.

Grænlenska landstjórnin kynnti sér Kárahnjúkavirkjun og framkvæmdirnar eystra í gær, þriðjudag, í fylgd Sólveigar Dagmar kynningarfulltrúa og þótti mikil til koma það sem bar fyrir augu.

Ólafur Þ. Rafnsson, hjá framkvæmdaeftirlitinu VIJV, notaði blíðviðrið sunnudaginn 1. júní til að rölta upp í hlíð Fremri-Kárahnjúks og upp á Sandfell, sem fékk heitið Sandey eftir að það var umlukið vatni Hálslóns í fyrrahaust. Hann tók nokkrar myndir sem sýna hvernig umhorfs er á svæðinu. Enn er kuldalegt um að litast en veturinn er vissulega að missa tökin á tilverunni. 

 Grjótárgöng eru nú sprengd og grafin frá báðum endum. Framgangurinn þar var alls 39 metrar og 1.243 metrar eftir í lok síðustu viku þar til endar næðu saman.

Stjórn Landsvirkjunar hefur heimilað stjórnendum fyrirtækisins að semja við Ístak um að ljúka framkvæmdum við Hraunaveitu í samræmi við tilboð verktakafyrirtækisins. Stefnt er að því að skrifa undir verksamninga núna í vikunni.

Vetur ríkir enn við Kárahnjúka. Hálslón er enn í klakaböndum og lítið sést til lands undan snjóbreiðunni þarí grennd. Þórhallur Árnason var við lónið í gær, 23. maí, og tók myndirnar sem fylgja hér með.

Sjaldgæf sjón blasti við starfsmönnum í Fljótsdalsstöð þegar þeim var litið út um gluggann nú í vorblíðunni í Fljótsdal. Hreindýr lögðu til sunds yfir Jökulsá og náðu landi eftir sprettinn í straumþungu jökulvatninu.

Verkstjórar vinnuflokks ungmenna í Fljótsdalsstöð eru byrjaðir að undirbúa sumarið. Jónína Brá Árnadóttir og Anton Ástvaldsson munu stjórna 16 manna hópi sem tekur til hendinni við ýmis verkefni næstu vikur og mánuði.

Tilveran er heldur nöturleg hjá hreindýrskúnni og nýbornum kálfi hennar sem Þórhallur Árnason rakst á í dag á Fljótsdalsheiðini, skammt frá aðgöngum 2. Það sá vart á dökkal díl þar sem dýrin voru á ferð en vonir standa til þess að vorið fari nú að minna á sig.

Starfsmenn Hraunaveitu ehf. luku fyrir helgina að steypa gólfið í Jökulsárgöngum og notuðu þá hátt í 1.200 rúmmetra af steypu í síðasta áfanga verksins. Einungis er nú eftir að steypa gólfið í svokölluðum sveiflugöngum.

Árni Benediktsson, þróunarstjóri orkusviðs Landsvirkjunar, hefur verið sæmdur viðurkenningunni rafmagnsverkfræðingur ársins af Verkfræðingafélagi Íslands og IEEE, alþjóðasamtökum rafmagnsverkfræðinga, sem í eru um 375.000 félagsmenn í yfir 160 löndum.  Hann er verkefnisstjóri vél- og rafbúnaðar Kárahnjúkavirkjunar og hlýtur viðurkenninguna einmitt fyrir afburða frammistöðu í tengslum við gangsetningu virkjunarinnar í fyrra.

Vatnsborð Hálslón hefur lækkað í vetur um 26 metra eða úr 625 metrum yfir sjávarmáli, þegar það var fullt, niður í um 599 metra yfir sjávarmáli. Um helmingur miðlunarforðans í lóninu hefur því verið notaður til raforkuframleiðslu í Fljótsdalsstöð.

Fljótdsstað framleiðir nú um 600 MW, þar af 550 MW fyrir Fjarðaál við Reyðarfjörð og 50 MW sem fara um byggðalínuna til notkunar annars staðar á landinu. Heildarafl stöðvarinnar er 690 MW (allar sex vélarnar samanlagt) en til samanburðar má geta þess að uppsett afl allra virkjana Landsvirkjunar er um 1.900 MW.

Á sama tíma og höfuðborgarbúar slá gras í görðum sínu,  og sunnlenskir bændur sá korni og setja niður kartöflur, geta starfsmenn á virkjunarsvæðinu verið í snjókasti. Ef þeir eru á annað borð í skapi til slíks.

Starfsmenn á framkvæmasvæðinu þurftu enn og aftur að þola vetrarhvell í síðustu viku. Óveðrið setti strik í reikninginn og kom í veg fyrir að menn kæmust til vinnu.

Fyrstu gestir sumarsins í upplýsingamiðstöð Landsvirkjunar í Végarði í Fljótsdal í ár voru fjórfættir og komu 25 saman í hóp. Þeir höfðu áberandi minni áhuga á Kárahnjúkavirkjun en þeim mun meiri á gróðrinum á völlunum næst félagsheimilinu.

Tvö tilboð bárust í dag í verkþátt  KAR-25 við Kárahnjúkavirkjun, sem er að ljúka framkvæmdum við Hraunaveitu. Ístak hf. bauð um 2.676 milljónir króna og Suðurverk hf. bauð um 3.552 milljónir króna. Kostnaðaráætlun Landsvirkjunar hljóðaði upp á um 2.965 milljónir króna. 

Sumarið er komið - á dagatalinu að minnsta kosti. Starfsmenn á framkvæmdasvæðinu höfðu gert sér vonir um að blíðviðri á dögunum boðaði langþráð vor en svo kom enn einn stórhríðarhvellurinn.

Upplýsingamiðstöð Landsvirkjunar í Végarði í Fljótsdal verður opnuð á morgun, fimmtudaginn 1. maí, og verður opin daglega kl. 9:00-17:00 til 15. september. Þar er Kárahnjúkavirkjun kynnt í máli og myndum en sérstaka athygli ber að vekja á þeirri nýjung aðstandenda miðstöðvarinnar að bjóða í sumar upp á skipulagðar skoðunarferðir inn í stöðvarhús virkjunarinnar frá 10. júní til 10. ágúst.

Bor 2 leysist smám saman upp í frumeindir sínar í Jökulsárgöngum. Starfsmenn Impregilo vinna nótt og dag við að skrúfa hann og logskera í sundur til að flytja síðan út úr göngunum.

Starfsmenn Impregilo keppast við að taka bor 2 í sundur. Fyrir helgina var byrjað að flytja einstaka hluta tækisins út úr Jökulsárgöngum.

Sveinn Ingimarsson, starfsmaður Hraunaveitu ehf. og Þórhallur Árnason, hjá framkvæmdaeftirlitinu VIJV, flugu yfir allt framkvæmdasvæði Kárahnjúkavirkjunar í blíðunni í gær. Sá síðarnefndi tók fjölda firnaskemmtilegra mynda sem hér eru sýnishorn af. Um þetta leyti árs í fyrra var sem næst auð jörð þarna á hálendinu en nú sér þar vart á dökkan díl!

Starfsmenn Impregilo eru komnir vel af stað með að hluta bor 2 í sundur til að flytja hann síðan út úr göngunum og af landi brott. Þetta er gert í risastórum helli í Jökulsárgöngum.

Vorið lætur bíða eftir sér á hálendinu og um helgina bætti enn verulega á snjóinn um nýliðna helgi. Á myndum frá Málfríði Guðmundsdóttur, hjá framkvæmdaeftirlitinu VIJV, sést að vinnubúðir eru svo gott sem komnar í kaf og orðnar að snjóhúsum að hluta!

Snjórinn á virkjunarsvæðinu setur á ýmsan hátt strik í reikning verktaka og starfsmanna þeirra. Það er ekki nóg með að ruðningstæki þurfi stöðugt að vera á ferð til að halda opnum vegum og moka frá vinnubúðum heldur hefur þurft að fresta því að steypa gólf í Jökulsárgöngum vegna þess að malað efni til steypuframleiðslu er búið. Tíðarfarið kemur með öðrum orðum í veg fyrir eðlilega efnisvinnslu á svæðinu.

Áhöfnin á bor 2 tryggði sér sess í heimsmetabókum jarðgangaborana í Jökulsárgöngum Kárahnjúkavirkjunar, verkefninu sem hún lauk með stæl síðastliðinn miðvikudag, 9. apríl. Af því tilefni fékk hún skjal til staðfestingar metinu og það fengum við að birta hér á síðunni.

Friðrik Sophusson, forstjóri Landsvirkjunar og Loftur Árnason, framkvæmdastjóri Ístaks hf., undirrituðu núna í vikunni samning um að verkþátt KAR-29 við Kárahnjúkavirkjun. Ístak átti lægsta tilboð í verkið.

Kröftugt lófatak og húrrahróp bergmálaði í hellinum mikla í miðjum Jökulsárgöngum Kárahnjúkavirkjunar þegar bor 2 lauk sögulegu hlutverki sínu í dag að viðstöddu fjölmenni. Þar með lauk merkilegum kafla íslenskrar framkvæmdasögu sem hófst þegar fyrsta risaborvélin kom til landsins fyrir jólin 2003 vegna Kárahnjúkavirkjunar. 

Starfsmenn Impregilo ná þeim áfanga á morgun að ljúka við síðustu metrana í þeim hluta jarðganganets Kárahnjúkavirkjunar sem gert var ráð fyrir að heilbora með risaborvélum. Svo vill til að starfsmenn Hraunaveitu ehf. ,,slá í gegn"  á sama tíma í Kelduárgöngum. Tveimur áföngum verður því náð samtímis í virkjunarframkvæmdunum á morgun.

Íslenskar orkurannsóknir (ÍSOR) ætla að halda áfram svokölluðum viðnámsmælingum við Upptyppinga í sumar, meðal annars til að kanna hvort einhverjar breytingar hafi orðið frá mælingunum sumarið 2007. Upptök jarðhræringa á svæðinu eru á óvenju miklu dýpi.

Gert er ráð fyrir að bor 2 ,,slái í gegn" í Jökulsárgöngum í næstu viku og þar með ljúki framkvæmdum við að heilbora aðrennslisgöng Kárahnjúkavirkjunar. Nánari tímasetning er óákveðin vegna óhagstæðs bergs á lokakafla borsins.