Virkjanaframkvæmdum er varða Kárahnjúkavirkjun hér í Fljótsdalshreppi er þó ekki að fullu lokið, því enn á eftir að taka Jökulsár-og Hraunaveitu í notkun en þeim framkvæmdum á að  ljúka innan tveggja ára.

Oft vill það gleymast að raforkuframleiðsla á íslandi er í raun útflutningsvara. Tæplega 75% af raforkuframleiðslu næsta árs verður seld erlendum fyrirtækjum með starfsemi hér á landi og greiða fyrir í erlendri mynt, sem eykur gjaldeyristekjur þjóðarinnar.

Við skulum óska öllum á landinu til hamingju með þann glæsilega áfanga sem við erum að. Kárahnjúkavirkjun var á sínum tíma umdeild og um hana spunnust líklega hörðustu deilur sem lengi hafa orðið hér á landi en við getum óskað okkur öllum til hamingju með það í dag að verið er að setja lokapunkt í þeim deilum. Ég var einn af þeim sem gagnrýndi sérlega félaga Friðrik [Sophusson] og það stundum harkalega í aðdragana þessa máls.

Gangsetning Kárahnjúkavirkjunar markar djúp spor í sögu Landsvirkjunar. Áratugagamlar hugmyndir um virkjun vatnsafls á Austurlandi hafa orðið að veruleika. Þetta er því ekki aðeins merkisdagur fyrir Landsvirkjun heldur ekki síður fyrir alla þá, sem að þeim hugmyndum hafa unnið. Saga Landsvirkjunar er hluti af atvinnusögu Íslendinga.