Hátt í fjörtíu skandínavískir mótorhjólamenn á vélfákum riðu í hlað í Végarði í Fljótsdal fyrir helgina, nýkomnir úr Smyril Line á Seyðisfirði og voru að leggja upp í hálfsmánaðar ferð um landið. Þeir voru áhugasamir um Kárahnjúkavirkjun og voru þarna drjúga stund til að kynna sér framkvæmdirnar.

Botnrásarlokur Kárahnjúkastíflu verða opnaðar kl. 10:00 að morgni 3. júlí. Litlum spýjum verður hleypt út fyrsta hálftímann og kl. 10:30 verða botnlokur svo opnaðar til hálfs. Um miðjan dag verður opnað að þremur fjórðu hlutum og til fulls kl. 18 sama dag. Lokurnar verða síðan opnar nánast óslitið til kl. 20 að kvöldi 6. júlí.

Starfsmenn Impregilo byrjuðu núna fyrir helgina á að steypa gólf brúarinnar á yfirfalli Hálslóns, vestan Kárahnjúkastíflu. Á mynd Þórhalls Árnasonar blasir lónið við í bakgrunni.

Vatnsborð Hálslóns var komið í 596,5 metra yfir sjávarmáli í dag, 28. júní, og hafði hækkað um tæplega 63 cm á sólarhring að jafnaði síðastliðna viku. 

Eftir því sem vatn hækkar í Hálslóni styttist í að Sandfell verði að eyju í lóninu. Á myndum Ólafs Þ. Rafnssonar frá í dag sést að vatn er komið vel upp á Desjarárstíflu og meðfram Sandfellinu.

Það hefur verið staðfest með óyggjandi hætti að bor 2 setti heimsmet í aðrennslisgöngum Jökulsárveitu á laugardaginn þegar hann boraði 106,12 metra á einum sólarhring. Fyrra metið var ástralskt.

Vetrarlegt var um að litast á hálendinu norðan Vatnajökuls í morgun, þó komið sé fram yfir sumarsólstöður. Verkamenn þurftu að klæðast kuldagöllum og meira að segja varð að ræsa út tæki til að ryðja sjó af efsta hluta Kárahnjúkavegar! Þetta er sem sagt Ísland í dag - að minnsta kosti á þessum slóðum.

Portúgalskur starfsmaður Stálsmiðjunnar ehf. sem er undirverktaki fyrirtækisins VA-Tech lést á níunda tímanum í morgun af völdum áverka sem hann fékk við fjögurra metra fall niður á steingólf í Fljótsdalsstöð, stöðvarhúsi Kárahnjúkavirkjunar í Fljótsdal.

Bor 2 setti heimsmet í borun jarðganga í gær, laugardaginn 23. júní. Hann boraði þá 106,12 metra á einum sólarhring og engin önnur dæmi munu vera um slíkan árangur í heiminum.

Steindór Jónsson veitingamaður hefur opnað þjónustumiðstöð fyrir ferðamenn skammt frá Desjarárstíflu. Spölkorn þar frá hefur verið útbúinn útsýnisstaður þar sem sést vel til Kárahnjúkastíflu, Desjarárstíflu og yfir neðsta hluta Hálslóns.

Matthías Halldórsson landlæknir kemst að þeirri niðurstöðu, í greinargerð sinni ,,um veikindi starfsmanna við Kárahnjúkavirkjun í apríl 2007 og viðbrögð heilbrigðisstarfsmanna við þeim", að á annan tug manna hafi ,,líklega eða örugglega" veikst af völdum mengaðs lofts í jarðgöngum virkjunarinanr í apríl. Í fjölmiðlum á þessum tíma mátti hins vegar skilja af ummælum yfirlæknis á virkjunarsvæðinu að um væri að ræða allt að 180 manns.

Vaktmaður tók sér í dag stöðu við hlið á veginum sem liggur í framhaldi af  Kárahnjúkavegi út á Desjarárstíflu. Þetta þótti nauðsynlegt til að verja framkvæmdasvæðið fyrir ágangi ferðafólks!

Vatnsborð Hálslóns var í dag komið í 592 metra hæð yfir sjávarmáli og hafði hækkað um 70 cm að meðaltali undanfarna viku. Flatarmál Hálslóns er núna um helmingur þess sem það verður við þegar fyllist eða um 26 ferkílómetrar.

Vatnsborð Hálslóns hækkar dag frá degi og lónið stækkar jafnframt að flatarmáli. Nú er vinnuvegur Suðurverks vestan Desjarárstíflu að hverfa undir vatn. Síðustu bílunum var ekið um hann um kl. 14 í gær, 19. júní.

Bor 2 gengur afar vel í aðrennslisgöngum Jökulsársveitu. Hann lengdi göngin um 215 metra í síðustu viku og hafði þar með borað um 1.900 metra, tæplega fjórðung leiðarinnar sem honum er ætlað að bora.

Öflugir kranar lyftu núna í vikubyrjun stálbitum upp á undirstöður brúar sem steyptar hafa verið beggja vegna yfirfalls Hálslóns, við vesturenda Kárahnjúkastíflu. Það er enn ein sýnilegt vísbending um að framkvæmdirnar séu á lokakaflanum.

Vatnsborð Hálslóns hækkaði um ríflega hálfan metra að jafnaði á sólarhring í síðastliðinni viku. Það er nú komið í 587 metraog vantar innan við 40 metra upp á að ná fullri hæð.

Starfsmenn Impregilo náðu merkum áfanga í virkjunarframkvæmdunum í kvöld. Þeir luku við að steypa þéttikápuna sem þekur hlið Kárahnjúkastíflu vatnsmegin.

Hálslón fyllist að óbreyttu fyrr en æskilegt þykir, enda ráð fyrir því gert að halda fyllingarhraðanum niðri í öryggisskyni.  Því hefur verið ákveðið að ,,tappa af lóninu" í sumar með því að opna botnrásarlokur Kárahnjúkastíflu af og til næstu vikur og mánuði.

Efnt var til svokallaðrar rýmingaræfingar á Jökuldal síðastliðinn laugardag í því skyni að láta reyna á nýja viðbragðsáætlun almannavarnakerfisins á áhrifasvæði Hálslóns. Í viðbragðsáætluninni er fjallað um hvernig bregðast skuli við ef varð yrði leka í stíflum Hálslóns og hætta yrði talin á að stífla þar rofnaði með tilheyrandi flóðahættu.

Vatnsborð Hálslóns var í dag komið í 583,1 metra yfir sjávarmáli og hafði hækkað um tæplega þrjá metra á hálfum mánuði eða um 20 cm á sólarhring að meðaltali.

Ákveðið er að vinna að hluta upp tafir í frágangsvinnu í frárennslisgöngunum með því að forgangsraða þar verkum. Frágangi verður fyrst lokið í neðsta hluta ganganna (norðan aðganga 2 og Axarár).

Tilboð voru í dag opnuð í handrið á ölduvarnaveggnum sem verið er að reisa ofan á Kárahnjúkastíflu. Þetta er verkþáttur KAR-55.

Myndarlegir ísjakar eru á floti á Hálslóni. Tveir þeirra eru komnir niður undir Kárahnjúkastíflu. Þórhallur Árnason hjá framkvæmdaeftirlitinu VIJV tók meðfylgjandi myndir af jökunum í dag. 

Borinn mikli fór innan við hundrað metra í síðustu viku, sem telst hóflegt mjög miðað við framgang mála hjá honum sumar vikurnar þar á undan. Skýringin er viðtaldsvinna, einkum stopp á meðan skipt var um skera í borkrónunni.

Vatn er farið að seytla í gegnum berglög í mjóum kambi á milli Hálslóns og efnisnámu fyrir Desjarárstíflu. Brátt fer að renna úr Hálslóni inn í námuna um skarð sem rofið var í kambinn.

Ráðamenn verktakafyrirtækisins Arnarfells búast við að þarna starfi allt að 330 manns þegar mest verða umsvifin hjá þeim í Jökulsárveitu í sumar. Um þriðjundur mannaflans verður íslenskur.

Á annað hundrað manns hafa unnið undanfarið við að koma fyrir stálfóðringum og öðru tilheyrandi í inntakslokahvelfingu Kárahnjúkavirkjunar í Fljótsdal. Verktaki þessa framkvæmdaþáttar er DSB-Stahlbau. 

Steypuvinna í rennunni frá yfirfallsþró Hálslóns er langt komin. Þarna vinnur fjöldi manna við lokaáfanga verksins.

Vatnsborð Hálslóns var komið í 580 metra hæð yfir sjó í gær, 24. maí.  Það hafði þá hækkað um 7 sentimetra á sólarhring að jafnaði undanfarnar tvær vikur.

Verktakafyrirtækið Suðurverk er byrjað af krafti við frágang Desjarárstíflu, að loknu óhjákvæmilegu vetrarhléi við framkvæmdirnar. Ýmsum frágangsverkum er ólokið, þar á meðal gerð varanlegrar akbrautar eftir stíflunni endilangri.

Borinn snerist mikið og örugglega í Jökulsárveitunni í síðustu viku. Afköstin urðu hátt í 250 metrar, sem telst gott og tvöfalt meira en í vikunni þar á undan.

Þéttingu bergs til beggja enda Kárahnjúkastíflu og undir stíflunni er nú lokið. Þar með er stórum og mikilvægum áfanga náð í virkjunarframkvæmdunum.  ,,Þéttingartjaldið" var útskrifað síðastliðinn þriðjudag, 15. maí.

120-150 manns starfa að jafnaði um þessar mundir á vegum Arnarfells við Jökulsárveitu, bæði ofan- og neðanjarðar. 

Steypuvinna hófst við grjótgildruna 10. mars og henni lauk í síðustu viku. Þessi gildra er 78 metrar að lengd, efst í frárennslisgöngunum.

Girðir ehf. átti lægsta tilboð í girðingar í Fljótsdal í sumar. Þrjú tilboð bárust í verkið, öll yfir kostnaðaráætlun.

Vatnsborð Hálslóns var komið í 579,2 metra yfir sjávarmáli fimmtudaginn 10. maí og hafði hækkað um liðlega tvo metra á einni viku.

Starfsfólk Heilbrigðistsstofnunar Austurlands (HSA) fóru um framkvæmdasvæðið á dögunum og kynntu sér gang mála.

Hollenskur listamaður, Hanni Stolker að nafni, stendur að því þessa dagana að skapa Lagarfljótsorminn í sal upplýsingamiðstöð Kárahnjúkavirkjunar í Végarði í Fljótsdal. Stolker dvelur annars að Skriðuklaustri og vinnur að list sinni.

Steypuvinna í rennunni frá yfirfalli Hálslóns niður í gljúfrið gekk afar vel í síðustu viku og framgangur verksins var sá mesti í einni viku frá áramótum. Sömuleiðis var góðum áföngum náð við að steypa upp ölduvarnavegginn á Kárahnjúkastíflu. 

Vel miðar að steypa upp ölduvarnavegginn mikla eftir Kárahnjúkastíflu endilangri. Lokið er sem svarar til 65% af verkinu. Veggurinn verður 6 metra hár.

Vorvindar bræða snjó á hálendinu og nú snareykst vatnsrennsli inn í Hálslón. Vatnsborðið hækkaði um heila þrjá metra undanfarna viku eða vel yfir 40 sentimetra á sólarhring að jafnaði.

Risaborinn í Jökulsárveitu var stopp í tvo sólarhringa í síðustu viku á meðan skipt var um skera í borkrónunni. Jafnframt var bergið styrkt með stálboltum.

Vinna hófst að nýju um helgina við frágang í aðrennslisgöngum Kárahnjúkavirkjunar undir Þrælahálsi, á hluta þess svæðis sem Vinnueftirlit ríkisins stöðvaði starfsemi á vegna loftmengunar í síðustu viku. Áfram er unnið að því að auka við loftræsibúnað á hinum hluta svæðisins.

Vatnið í Hálslóni var komið í rúmlega 574 metra yfir sjávarmáli fimmtudaginn 26. apríl og hafði hækkað um tvo metra á hálfum mánuði. Rennslið inn í lónið eykst með vori og hækkandi sól. Merki nýrrar árstíðar sjást reyndar nú þegar við stífluna þar sem ísinn á lóninu brotnar og bráðnar.

Því fer fjarri að 180 manns hafi veikst í aðrennslisgöngum Kárahnjúkavirkjunar eins og fram kom í samtali við yfirlækni heilsugæslunnar á virkjunarsvæðinu í hádegsfréttum Útvarpsins í gær. Þetta kom fram á fundi um málið í dag og í framhaldinu sendi Landsvirkjun eftirfarandi yfirlýsingu til fölmiðla:

Vinnueftirlit ríkisins stöðvaði síðdegis í dag vinnu, vegna loftmengunar, á um 12 kílómetra kafla í aðrennslisgöngunum á milli aðganga 2 og 3. Verktakafyrirtækinu Impregilo er gert að skila áætlun um úrbætur fyrir hádegi á morgun.

Betur gekk að bora í síðustu viku en í vikunni þar áður í aðrennslisgöngum Jökulsárveitu. Þar er við hart basalt að eiga.

Um 67% framkvæmda við yfirfallskurðinn vestan Kárahnjúkastíflu er lokið. Þar hefur verið unnið meira og minna undanfarið, nema í mestu vetrarhörkunum.

Um 40 starfsmenn við aðgöng 2 í aðrennslisgöngunum voru óvinnufærir síðastliðinn föstudag vegna magaveiki sem grunur leikur á að rekja megi til hreinlæti hafi verið ábótavant. Fulltrúi heilbrigðisyfirvalda fór á vettvang og lagði fyrir verktakann, Impregilo, að bæta úr þegar í stað.

Einn af reynsluboltum landsins í virkjunarframkvæmdum, Jóhann G. Bergþórsson, verkfræðingur og fyrrverandi forstjóri Hagvirkis, er kominn til tímabundinna starfa hjá verktakafyrirtækinu Arnarfelli og ætlar að leggja því lið við stíflugerð vegna Jökulsárveitu. Hann hefur með sér gamalreynda samstarfsstarfsmenn sem verða í stjórnunarstörfum við jarðvinnu og stíflugerð.

Borinn 2 glímdi við afar hart basalt í síðustu viku. Nokkrir skerar í borkrónunni játuðu sig sigraða og skipta þurfti um þá. Þessi harka í berginu skýrir það að borinn skilaði ekki meiru en tæplega 115 metrum.

Allt gekk eftir áætlun þegar stærðar rörstykki úr stáli var híft á dögunum á sinn stað niðri í lóðréttum göngum eða strokki við Hólsufs á Fljótsdalsheiði. Þetta er hluti af þrýstijöfnunarbúnaði aðrennslisganganna úr Hálslóni.

Starfsmönnum hefur verið fjölgað í frágangsverkum í aðrennslisgöngunum til að flýta fyrir verklokum. Tækjum fjölgar líka í sama tilgangi, meðal annars flutningalestum.

Vatnsborð Hálslóns var komið í ríflega 572 metra yfir sjávarmáli í gær, 12. apríl. Það hafði þá hækkað um tæplega tvo metra frá síðustu mælingu fyrir tveimur vikum. Við tókum nefnilega ekki ,,sólarhæðina" í þessum efnum á föstudaginn langa og því líður nú hálfur mánuður milli mælinga.

Bor 2 byrjar vel í göngunum að Ufsarlóni austan Snæfells. Hann skilaði ríflega 230 metrum í síðustu viku, sem teljast ágæt afköst.

Mildi var að ökumenn tveggja bíla sluppu með minniháttar meiðsl eftir afar harðan árekstur á Kárahnjúkavegi. Slysið átti sér stað í blindaþoku við Laugafell, skammt vestan við afleggjarann að Eyjabökkum.

Ástæða er til að ítreka, nú í aðdraganda páskahátíðar og tilheyrandi ferðalaga, að virkjunarsvæðið er lokað almenningi. Gæsla verður þar fram yfir páska og bílum verður snúið við, ætli menn sér að aka inn á vinnusvæðið.