Fyrsti renningur ársins í vatnskápu Kárahnjúkastíflu var steyptur í síðustu viku, alls ríflega 1.600 fermetra flötur. Í hann fóru 850 rúmmetrar af steypu.

Starfsmaður verktakafyrirtækisins Arnarfells lést í nótt í sprengingu á vinnusvæði Kárahnjúkavirkjunar. Slysið átti sér stað um fimmleytið þegar unnið var að undirbúningi sprengingar í bergi í aðgöngum 4 í Desjarárdal. 

Fulltrúar Landsvirkjunar eru í viðræðum við lægstbjóðendur í fjóra verkhluta Kárahnjúkavirkjunar sem boðnir voru út fyrr í vetur. Þessi verk varða Ufsarstíflu, stíflur, skurði og  og göng Hraunaveitu og framkvæmdaeftirlit á svæðinu.

Unnið er við borun eftir drykkjarvatni á bökkum Jökulsár í Fljótsdal, innan við athafnasvæðið í dalnum. Vatnið verður leitt í hlaðhúsið sem risið er við munna aðkomuganga Kárahnjúkavirkjunar.

Starfsmenn Héraðsverks hafa lokið við að dýpka og lagfæra farveg Jökulsár í Fljótsdal og vinna nú við að grafa skurð milli árinnar og munna frárennslisganga Kárahnjúkavirkjunar. Skurðurinn verður ríflega tveir kílómetrar og níu metra breiður í botninn.

Tíðarfarið er hagstætt til framkvæmda utan dyra, það má meðal annars merkja á því að í síðustu viku var unnt að bæta 80.000 rúmetrum fyllingarefnis í Kárahnjúkastíflu. Þar með er fjórir fimmtu hlutar efnis komnir í stífluna og hún er óðum að taka á sig endanlega mynd eins og sjá má á teikningunum sem gjarnan fylgja vikuyfirlitinu.

Héraðsverk á Egilsstöðum átti eina tilboðið sem barst í Hólfsufsarveg Kárahnjúkavirkjunar, verkþátt KAR-04n.

Borarnir þrír skiluðu alls 490 metrum í 9. viku, sem er gott þegar á heildina er litið. Framgangur bors 3 var skínandi góður en hægast gekk hjá bor 2.

Yfirgnæfandi líkur eru á að kostnaðaráætlanir vegna Kárahnjúkavirkjunar standist þegar á heildina er litið. Þetta er mat Landsvirkjunar þrátt fyrir að vitað sé um að að verktakafyrirtækið Impregilo muni krefjast viðbótargreiðslna vegna tafa við borun aðrennslisganganna.

Í morgun var fagnað góðum áfanga virkjunarframkvæmdanna þegar ,,slegið var í gegn" í svokölluðum sveiflugöngum í Fljótsdal með sprengingu nákvæmlega klukkan 10:05. Þessi göng eru með miklum halla og voru boruð og sprengd skáhallt niður á við.

Sókn bankanna inn á á húsnæðislánamarkaðinn  í ágúst 2004 er aðalástæða þenslu í hagkerfinu en ekki framkvæmdir vegna stóriðju. Þetta segir Tryggvi Þór Herbertsson, forstöðumaður Hagfræðistofnunar Háskóla Íslands.

Montavar Metalna átti lægsta tilboð í lokubúnað og stálfóðringu fyrir Hraunaveitu og Ufsarstíflu, verkhluta KAR-35. Verkið var boðið út í nóvember 2005.

Starfsmenn verktakafyrirtækisins Fosskrafts og Landsvirkjunar fögnuðu því í dag, ásamt gestum sínum, að Fosskraft skilaði af sér mikilvægum verkhluta í stöðvarhúsi Kárahnjúkavirkjunar í Fljótsdal: uppsteyptu húsi umhverfis vélar 1, 2 og 3.

Borarnir þrír skiluðu samtals 530 metrum í síðustu viku, þar af bor I yfir 200 metrum. Bergið var alls staðar hagstætt en nokkrar tafir urðu vegna smávægilegra bilana í færibandakerfum.

Verktakafyrirtækið Fosskraft nær í dag merkum áfanga í virkjunarframkvæmdunum samkvæmt verksamningi KAR-15. Nú er lokið við að steypa umhverfis vélar 1, 2 og 3 í stöðvarhúsinu og verktakinn skilar af sér þeim verkhluta.

Starfsmenn verktakafyrirtækisins Arnarfells eru byrjaðir að sprengja og grafa aðkomugöng 4 í Desjarárdal í samræmi við samning þar að lútandi frá því í desember síðastliðnum. Arnarfellsmenn byrjuðu í janúar á því að skapa sér aðstæður til verksins og nú er sjálf gangagerðin hafin.

Fádæma veðurblíða flýtir útiverkum og léttir lund á virkjunarsvæðinu eins og annars staðar á landinu. Góðum áfanga var náð við að steypa í yfirfallsskurði Kárahnjúkastíflu í síðustu viku og meira að segja var unnt að flytja líka fyllingarefni í stífluna.

Starfsmenn verktakafyrirtækisins Arnarfells grafa, sprengja og hreinsa á þeim stað þar sem verður munni væntanlegra aðkomuganga 4 í Desjarárdal. Ekki skemmir fyrir að fádæma góð tíð er á fjöllum og það flýtir að sjálfsögðu fyrir verkum.

Deildarstjóri á rannsóknadeild verkfræði- og framkvæmdasviðs Landsvirkjunar, vísar á bug þeirri fullyrðingu Hjörleifs Guttormssonar, fyrrverandi alþingismanns og ráðherra, að gróðurhúsaáhrif Kárahnjúkavirkjunar verði engu minni en frá virkjunum sem knúðar séu af jarðefnaeldsneyti. Hann vísar til greinar Hjörleifs í Morgunblaðinu 10. janúar 2006.

Í dag voru opnuð hjá Landsvirkjun tilboð í þrjá nýja verkþætti við Kárahnjúkavirkjun en þetta eru jafnframt síðustu verulega stóru útboðin vegna Kárahnjúkavirkjunar. Um er að ræða gerð Ufsarveitu og Hraunaveitu bæði vinnu við stíflur og skurði og vinnu við jarðgöng austan við Jökulsá í Fljótsdal og austan við Kelduá. Í öll verkin bárust fjögur tilboð frá íslenskum verktökum og reyndist Arnarfell ehf. frá Akureyri vera með lægsta tilboð í öll verkin, samtals rúmlega 3,6 milljarða króna með VSK en það er verulega undir kostnaðaráætlun ráðgjafa Landsvirkjunar, sem hljóðaði upp á rúma 5,3 milljarða króna.

76,5% Austfirðinga hafa jákvæð viðhorf til Landsvirkjunar en 10,5% hafa neikvæð viðhorf gagnvart fyrirtækinu. Þetta kemur fram í nýrri viðhorfskönnun IMG Gallups.

Tengivirkishús og hlaðhús hafa verið steypt upp í Fljótsdal og unnið er að frágangi innanhúss, einkum í því fyrrnefnda sem tilheyrir orkudreifingarfyrirtækinui Landsneti. Keflavíkurverktakar keppast við að ljúka tengivirkishúsinu fyrir næstu mánaðarmót því í byrjun febrúar mæta starfsmenn fyrirtækins AREVA til að setja upp rofa og annan búnað sem tengist flutningi á raforku Kárahjúkavirkjunar úr Fljótsdal til Fjarðaáls við Reyðarfjörð.

Uppsetningu véla í stöðvarhúsi Kárahnjúkavirkjunar miðar í samræmi við verkáætlun og reyndar rúmlega það. Lokið er að steypa fjórar hæðir í kringum þrjár af vélunum en vinna við að koma hinum þremur vélunum fyrir er komið skemmra á veg.

Héraðsverk ehf. á Egilsstöðum fær það verkefni að grafa frárennslisskurð Kárahnjúkavirkjunar í Fljótsdal í kjölfar útboðs fyrr í vetur. Landsvirkjun er í þann veginn að ganga frá samningum við verktakafyrirtækið á grundvelli lægsta tilboðs í verkið.

Starfsmenn Héraðsskóga á Egilsstöðum skráðu sig á spjöld sögunnar í bókstaflegum skilningi á dögunum. Þeir voru fyrstu gestir nýbyrjaðs árs á sýningu Landsvirkjunar um Kárahnjúkavirkjun í upplýsingamiðstöðinni í Végarði í Fljótsdal og kvittuðu að sjálfsögðu fyrir í gestabók staðarins.

Heilboruð göng á virkjununarsvæðinu eru orðin alls 24 kílómetrar eða ríflega fern Hvalfjarðargöng að lengd. Bor 1 hefur gengið best og skilað ríflega 10 kílómetrum.

Borarnir þrír við Kárahnjúka sýndu allir sem einn á laugardaginn var hverju þeir geta afkastað ef bergið er hagstætt. Afköst þeirra á sólarhring voru í heildina vel umfram áætlun.

Starfsmenn verktaka á virkjunarsvæðinu eru komnir til starfa á nýjan leik að loknu jólaleyfi. Bormennirnir héldu samt sínu striki nema rétt um sjálf jólin og áramótin.

Strax í upphafi árs 2006 verður hafist handa við að gera ný aðgöng inn í aðrennslisgöng Kárahnjúkavirkjunar nálægt Hálslóni til að unnt sé að hraða gerð aðrennslisganganna og tryggja betur að staðið verði við tímaáætlun Kárahnjúkavirkjunar.  Gangamunninn er neðan við Desjarárstíflu að austanverðu, milli stíflunnar og yfirfallsskurðar eins og sést á meðfylgjandi loftmynd.