Bormennirnir við Kárahnjúka fengu frí á jóladag og annan dag jóla sem að sjálfsögðu hefur áhrif á framvindutölurnar.

Bor 3 var gangsettur í aðrennslisgöngum Kárahnjúkavirkjunar núna á mánudaginn, 19. desember. Hann hefur verið stopp frá því 8. júlí eða í tæplega hálft ár.

Félagar úr Björgunarsveitinni Héraði á Egilsstöðum komu fyrir nokkru í heimsókn á framkvæmdasvæði verktakafyrirtækisins Arnarfells ehf. þar sem unnið er að jarðgangagerð og fleiru vegna Jökulsárveitu Kárahnjúkavirkjunar. Arnarfell og Björgunarsveitin Hérað hafa með sér samstarfssamning til fjögurra ára.

Lokið er við að steypa yfir 25.000 fermetra af svokallaðri vatnskápu Kárahnjúkastíflu, sem svarar til ríflega 27% af verkinu í heild. Enn tókst að bæta við í síðustu viku þrátt fyrir vetrarríkið á hálendinu.

Foreldrafélag Hallormsstaðaskóla, Landsvirkjun, Vegagerðin og sveitarstjórnir Fljótsdalshéraðs og Fljótsdalshrepps tekið höndum saman um að bæta umferðarmenningu og auka öryggi í Hallomrsstaðarskógi vegna aukins umferðarþunga þar.  Frumkvæðið kom frá foreldrum skólabarna sem höfðu samband við Landsvirkjun.  Í kjölfarið var komið á samstarfshópi um átak í umferðarmálum.

„Hér er gott að vera og gaman að geta orðið að liði við að aðstoða landsmenn mína sem fyrir eru. Ég bjóst við að hér yrði mun yfirleitt kaldara og verra veður en þetta er bara fínt!“ segir Xie Hai Yan, kínverskur hjúkrunarfræðingur við heilsugæsluna við Kárahnjúka í samtali við heimasíðu Kárahnjúkavirkjunar.

Ætla má að bor 3 verði tekinn í gagnið á nýjan leik um jólin og þá verði allir þrír borarnir í gangi samtímis. Samsetning borsins er langt komin.

„Ætli mönnum þar ytra hafi ekki helst komið á óvart hve vel gekk að grafa stöðvarhellinn í Fljótsdal þrátt fyrir ýmis vandamál sem upp komu,“ segir Matthías Loftsson á Hönnun hf. Hann er nýlega kominn heim af norrænni jarð- og bergtækniráðstefnu í Osló þar sem meðal annars var fjallað var um virkjunarframkvæmdirnar í Valþjófsstaðarfjalli í Fljótsdal.

Landsvirkjun óskar eftir tilboðum í fjóra verkþætti Hraunaveitu og Ufsarstíflu Kárahnjúkavirkjunar. Þessum verkum á öllum að ljúka á árinu 2008.

Bor 1 miðaði venju óvenju hægt í síðustu viku þegar hann fór í gegnum misgengissprungu á leið sinni. Hagstæðara berg er hins vegar framundan. Bor 2 gekk hins vegar bærilega og skilaði yfir 100 metrum, sem er meira en sést hefur á skrá frá honum lengi. Bergið á þeim slóðum fer stöðugt batnandi.

Starfsmenn Arnarfells luku í síðustu viku við að sprengja og grafa 120 metra langan aðrennslisskurð í hjáveitu Jökulsár í Fljótsdal (sjá myndir). Þeir byrjuðu jafnframt að sprengja 50 metra hjáveitugöng sem liggja munu undir stæði stíflu Ufsarlóns.

Georg Þór Pálsson, rafmagnstæknifræðingur, hefur verið ráðinn stöðvarstjóri Kárahnjúkavirkjunar. Hann vinnur nú sem aðstoðarstöðvarstjóri á Þjórsársvæði en hefur starfað hjá Landsvirkjun undanfarin fjögur ár. Á árunum 1994 - 1997 vann hann einnig hjá Landsvirkjun í Blöndustöð. Gert er ráð fyrir að Georg hefji störf fyrir austan í lok ágústmánaðar 2006.

Vinna á framkvæmdasvæðinu við Kárahnjúka er að mestu leyti neðanjarðar um þessar mundir. Þannig verður það þar til linnir vetrarríki á hálendinu og sól hækkar á lofti að nýju.

Tímamót urðu í virkjunarframkvæmdunum á mánudaginn var, 14. nóvember, þegar fyrsta einingin í stálfóðringu lóðréttra fallganga Kárahnjúkavirkjunar, liðlega 45 tonn að þyngd, var látin síga þar um 400 metra ásamt 6 tonna stýrivirki – alls yfir 50 tonn. Þetta er sennilega þyngsta stykki sem hefur verið híft eða látið síga úr svo mikilli hæð á Íslandi til þessa.

Fyrsti hluti stálfóðringar í önnur tveggja fallganga Kárahnjúkavirkjunar var látinn síga niður í dag, ofan á beygju sem búið var að steypa fasta neðst í þessum 400 metra lóðréttu göngum. Hver eining fóðringarinnar vegur 42 tonn og gert er ráð fyrir að koma einni slíkri fyrir á viku til að byrja með.

Balalaikatríóið Rússneskir virtúósar styttir starfsmönnum við Kárahnjúka stundir með hljómleikum í matsal Impregilo í hádeginu í dag, þriðjudaginn 8. nóvember. Tríóið fer um landið þessa dagana í hljómleikaferð sem Landsvirkjun styrkir ásamt fleiri fyrirtækjum.

Risaborvél 1 gengur skínandi vel um þessar mundir. Hún borðaði 83,2 metra í byrjun vikunnar(mánudaginn 7. nóvember) og alls 292 metra í síðustu viku, meira en nokkru sinni áður á einni viku.

Svona leit Kárahnjúkastíflan út úr lofti um fyrri helgi þegar Sigurður Aðalsteinsson frá Vaðbrekku, ritstjóri Austurgluggans, flaug þar yfir með myndavélina sína. Hann veitti Kárahnjúkasíðunni góðfústlegt leyfi til að birta myndirnar og þökk fyrir það.

Bor 2 er kominn á blað á ný eftir margra mánaða stopp í misgengissprungum við Þrælaháls. Borinn fór fyrst í gegnum steypuklumpinn sem til var orðinn framan við hann (bergmulningur  límdur saman með sementi) og er núna að vinna í föstu og stöðugu bergi.

Bor2 er kominn í gegnum steypuklumpinn í þriðja og síðasta misgenginu á rúmlega 40 metra kafla sem hann hefur verið meira og minna fastur á í hálft ár. Nú er verið að undirbúa að bora áfram í sjálfu berginu og ákveðið er að bora jafnóðum 25 metra langar rannsóknarholur fram fyrir borinn til að kanna jarðlögin.

Starfsmenn þýska fyrirtækisins DSD Stahlbau GmbH komast senn á fullan skrið við að fóðra svokölluð fallgöng Kárahnjúkavirkjunar, tvenn 400 metra lóðrétt göng sem veita vatni úr Hálslóni úr aðrennslisgöngum að vélum Kárahnjúkavirkjunar. Verkið stöðvaðist í september eftir að Slippstöðin á Akureyri, þáverandi undirverktaki DSD, var lýst gjaldþrota.

Halldór Ásgrímsson, forsætisráðherra, fór um virkjunarsvæðið í Fljótsdal og við Kárahnjúka á mánudaginn var og kynnti sér gang framkvæmda. Heimsóknin var að frumkvæði ráðherrans.

Framkvæmdir við að steypa yfirfallskurð Hálslóns hófust í síðustu viku við kuldalegar aðstæður eins og meðfylgjandi myndir sýna. Tjaldað var yfir vinnusvæðið í skurðinum og heitu lofti dælt inn í vinnurýmið til að halda hita á starfsmönnum og sjálfri steypunni.

Starfsmönnum Impregilo hefur tekist að koma risaborvél 2 í gegnum miklar og erfiðar misgengissprungur í berginu á um 170 metra dýpi í grennd við Þrælaháls. Borinn er því laus eftir að hafa verið stopp að mestu leyti í hálft ár eða frá því í byrjun maí.

Fregnir hafa borist af því gegnum fjölmiðla að náttúruverndarsamtökin World Wide Fund for Nature (WWF) telji Kárahnjúkavirkjun ,,meðal sex verstu virkjana heims með tilliti til náttúruspjalla og félagslegrar röskunar." Rök WWF fyrir slíkri útnefningu hljóta að skipta máli og undrun vekur því að enginn fjölmiðlamaður skuli hafa fyrir því að flytja þau inn í umræðuna, enn sem komið er að minnsta kosti. Þar er nefnilega að finna sitthvað sem enga skoðun stenst, svo ekki sé nú meira sagt. 

Lokið er við að steypa niður þrjá snigla af sex í vélum Kárahnjúkavirkjunar og unnið að því að koma hinum þremur sniglunum fyrir í stöðvarhúsinu.  Þar við hliðina er langt kominn undirbúningur að því að setja niður spenna virkjunarinnar fljótlega á nýju ári.

Landsvirkjun ætlar að efna til samkeppni um útilistaverk í Fljótsdal í tengslum við aflstöð Kárahnjúkavirkjunar og setja það upp á árinu 2007. Fyrirtækið efnir einnig til samkeppni um umhverfislistaverk við Kárahnjúka á svæðinu þar sem verður Hálslón og tilheyrandi stíflur.

Bor 1 gekk skínandi vel í síðustu viku og skilaði 243 metrum sem er með því mesta sem borvél hefur afkastað á einni viku frá því byrjað var að bora aðrennslisgöngin á virkunarsvæðinu. Bor 2 er áfram stopp í misgengi en vonir standa til að hann fari að snúast í síðari hluta október.

Ólafur Páll Jónsson, lektor heimspeki í Kennaraháskóla Íslands og Þorsteinn Hilmarsson, upplýsingafulltrúi Landsvirkjunar, skrifast á um fyrirhugaða orkumálasamkeppni Landsvirkjunar í grunnskólum í greinum sem birtar eru á Netlu, veftímariti Rannsóknastofnunar Kennaraháskóla Íslands. Ólafur Páll gagnrýnir samkeppnina harðlega með rökum sem  Þorsteinn segir að hvorki standist né lýsi með réttmætum hætti framtaki Landsvirkjunar.