Ólafur Páll Jónsson, lektor heimspeki í Kennaraháskóla Íslands og Þorsteinn Hilmarsson, upplýsingafulltrúi Landsvirkjunar, skrifast á um fyrirhugaða orkumálasamkeppni Landsvirkjunar í grunnskólum í greinum sem birtar eru á Netlu, veftímariti Rannsóknastofnunar Kennaraháskóla Íslands. Ólafur Páll gagnrýnir samkeppnina harðlega með rökum sem  Þorsteinn segir að hvorki standist né lýsi með réttmætum hætti framtaki Landsvirkjunar.

Áformaða samkeppni grunnskólabarna hefur borið á góma í fréttatímum ljósvakamiðla, sbr. eftirfarandi fréttir:

Friðrik Sophusson, forstjóri Landsvirkjunar, skrifaði skólastjórum grunnskóla landsins bréf 16. september 2005 og gerði þeim grein fyrir verkefninu um orkumál og samkeppninni sem Landsvirkjun hygðist efna til. Bréf forstjórans fer hér á eftir:

Með samkeppninni leitast Landsvirkjun við að færa grunnskólum landsins fræðsluefni í hendur um
orku og orkumál í samræmi við aðalnámsskrá gunnskóla. Fullmótuð verkefni verða send til allra
grunnskólanna fyrir áraslok 2005 en samkeppnin felst í úrlausn nemenda á þeim.

Hornsteinar ýmissa merkra bygginga geyma blýhólka sem í eru margvíslegar upplýsingar um viðkomandi hús, þá sem að henni stóðu og annað markvert sem framkvæmdina varðar. Upplýsingarnar eru þannig varðveittar um ókomna tíma handa kynslóðum að skoða og grúska í.