Stephen A. Brown, nýráðinn svæðisstjóri Flugleiða í Bretlandi og á Írlandi, verður ekki var neinna áhrifa af virkjunaráformum á Íslandi á ferðamarkaði þar ytra og telur að breskir ferðamenn muni ekki „gera sér grillu út af þessu“.

Friðrik Sophusson, forstjóri Landsvirkjunar, segir að helst megi líkja undirbúningi framkvæmda á borð við Kárahnjúkavirkjun við „málflutning í dómsmáli“. Nauðsynlegt sé breyta lögum um mat á umhverfisáhrifum „til að komast úr úrskurðarfarvegi í samráðsferli.“

Stöð tvö sýndi á dögunum þrívíddarmyndir af Kárahnjúkastíflu sem vöktu verðskuldaða athygli. Myndirnar gerði Þorsteinn Jóhannesson fyrir Landsvirkjun.

Friðrik Sophusson, forstjóri Landsvirkjunar og Gianni Porta, verkefnisstjóri Impregilo, undirrituðu í dag samninga um byggingu Kárahnjúkavirkjunar og aðrennslisganga virkjunarinnar.

Sannkölluð þjóðhátíðarstemmning var ríkjandi í íþróttahúsinu á Reyðarfirði á laugardaginn, 15. mars, þegar skrifað var undir samninga um stóriðju á Austurlandi.

Starfsmenn Íslenskra aðalverktaka (ÍAV) hafa sprengt nær 450 metra af alls 720 metra löngum aðkomugöngum við Fremri-Kárahnjúk.

Alþjóðleg umhverfisverndarsamtök reyna að koma í veg fyrir að alþjóðlegar fjármálastofnanir láni fjármuni til framkvæmda við Kárahnjúkavirkjun. Morgunblaðið greinir frá þessu í dag, 1. mars.

Jökulsá á Dal stíflaðist  þegar bergfylla hrundi niður í botn Hafrahvammagljúfurs í gær. Starfsmenn verktakafyrirtækisins Arnarfells voru að sprengja fyrir sneiðingi niður í gljúfrið í lónsstæði Kárahnjúkavirkjunar að opi fyrirhugaðra hjárennslisganga. 

Starfsmaður við jarðgangagerðina við Kárahnjúka slasaðist um þrjúleytið síðastliðna nótt þegar grjót hrundi á hann úr um 4 metra hæð. 

Ítalska verktakafyrirtækið Impregilo, sem átti lægsta boð í gerð Kárahnjúkastíflu og jarðaganga, hefur nú opnað skrifstofu hér á landi til að sinna verkefninu.

Oddvitar Norður-Héraðs og Fljótdalshrepps afhentu stjórnendum Landsvirkjunar í gærkvöld formlegt framkvæmdaleyfi vegna Kárahnjúkavirkjunar.

Landsvirkjun óskar eftir kvikmyndagerðarmanni eða fyrirtæki til að gera mynd um byggingu Kárahnjúkavirkjunar þar sem sjálfstæð og skapandi efnistök yrðu í fyrirrúmi og litið yrði til framkvæmdarinnar í víðu samhengi.

Landsvirkjun gerir ráð fyrir að bjóða út verk fyrir 22-24 milljarða króna vegna Kárahnjúkavirkjunar á árinu 2003. Þar af eru byggingarframkvæmdir fyrir 7-8 milljarða króna og véla- og rafbúnaður fyrir 15-16 milljarða króna.

Viðræður Landsvirkjunar og ítalska verktakafyrirtækisins Impregilo Spa. um verksamninga á Austurlandi eru í fullum gangi og stefnt að því að leiða þær til lykta á næstu vikum.

Umhverfisráðuneytið segir að ekki standist sú fullyrðing Lloyd Austin, framkvæmdastjóra Konunglega breska fuglaverndarfélagsins í Skotlandi, að Kárahnjúkavirkjun muni hafa áhrif á eina af hverjum 7 heiðagæsum sem koma til Skotlands standist ekki. Austin var hér á landi í vikunni og fjallaði í fjölmiðlaviðtölum um meint áhrif Kárahnjúkavirkjunar á heiðagæsina.

64,4% þeirra, sem tóku afstöðu í nýrri skoðanakönnun Fréttablaðsins, lýsa sig fylgjandi Kárahnjúkavirkjun og álveri við Reyðarfjörð eða nær tveir af hverjum þremur. Meginlínurnar eru mjög svipaðar í fyrri könnunum um stóriðjuframkvæmdirnar eystra.

Efnahagsskrifstofa fjármálaráðuneytisins telur að árlegur hagvöxtur á Íslandi geti orðið um 5% á árunum 2005 og 2006, þegar framkvæmdir vegna stóriðju á Austurlandi verða í hámarki og enn meiri ef Norðurál yrði stækkað á sama tíma.

Stjórn bandaríska álframleiðandans Alcoa samþykkti í dag að að ráðast í byggingu 322.000 tonna álvers við Reyðarfjörð. Álverið mun bera heitið Fjarðaál og er það hluti af einni umfangsmestu fjárfestingu sem ráðist hefur verið í á Íslandi.

Stjórn Landsvirkjunar samþykkti á fundi sínum í dag rafmagnssamning Landsvirkjunar og Fjarðaáls sf. (Alcoa).  Jafnframt fól stjórnin stjórnarformanni og forstjóra að undirrita sameiginlega rafmagnssamninginn.n  Stjórn Alcoa situr á fundi í Bandaríkjunum vegna sama máls og væntanlegar eru fréttir þaðan fyrir kvöldið.

Náttúruverndarsamtök Íslands halda því fram á heimasíðu sinni að misræmi sé í tölum Alcoa um orkunotkun álvers við Reyðarfjörð annars vegar á heimasíðu fyrirtækisins (um 13.000 KWst fyrir tonn af áli í álverum byggðum með nýjustu tækni) og hins vegar í skýrslu sem lögð var fyrir Skipulagsstofnun (14.600 KWst fyrir tonnið).

Ríkisstjórn samþykkti í morgun tillögu Valgerðar Sverrisdóttur, iðnaðar- og viðskiptaráðherra, um að leggja fyrir þingflokka stjórnarflokkanna og síðan Alþingi frumvarp til laga um heimild til samninga um álverksmiðju í Reyðarfirði. Frumvarpið verður lagt fram þriðjudaginn 21. janúar  þegar þing kemur saman að loknu jólaleyfi.

Arðsemismat Landsvirkjunar vegna Kárahnjúkavirkjunar er vel rök stutt og faglega unnið. Yfirgnæfandi líkur eru á að að verkefnið sé arðbært. Þetta eru meginniðurstöður þriggja manna nefndar sem eigendur Landsvirkjunar skipuðu til að fjalla um arðsemi og fjárhagslega áhættu Kárahnjúkavirkjunar og sölu raforku til Fjarðaáls sf. (Alcoa).

Andstæðingar Kárahnjúkavirkjunar freistast stundum til þess að fara nokkuð langt út af vegi sannleikans í málflutningi sínum eins og dæmin sanna hérlendis og erlendis. Svakalegt sýnishorn af þessu tagi má sjá í Gautaborgarpóstinum í Svíþjóð 29. desember sl.

Samningar um orkukaup Alcoa af Landsvirkjun verða að óbreyttu undirritaðir í lok janúar eða í byrjun febrúar og hefur reyndar aldrei staðið til að gera það fyrr. Stjórnarformaður og forstjóri Landsvirkjunar ítrekuðu þetta í fjölmiðlaviðtölum í dag í tilefni ummæla borgarstjórans í Reykjavík.