Samninganefndir Alcoa, Landsvirkjunar, iðnaðar- og viðskiptaráðuneytis, Fjarðabyggðar og hafnarsjóðs Fjarðabyggðar gáfu út sameiginlega yfirlýsingu í lok samningafundar í Reykjavík í dag:

SAMEIGINLEG VILJAYFIRLÝSING milli RÍKISSTJÓRNAR ÍSLANDS og LANDSVIRKJUNAR og ALCOA INC.

Í VILJAYFIRLÝSINGU þessari (Memorandum of Understanding, MOU), dagsettri 19. júlí 2002, eru sett fram grundvallaratriði milli ríkisstjórnar Íslands (ríkisstjórnarinnar), með skrifstofur að Arnarhváli, Lindargötu, 150 Reykjavík, en iðnaðar- og viðskiptaráðherra kemur fram fyrir hennar hönd, og Landsvirkjunar, sem er sjálfstætt fyrirtæki í eigu lýðveldisins Íslands, Reykjavíkurborgar og Akureyrarbæjar, með skrifstofur að Háaleitisbraut 68, 103 Reykjavík, og Alcoa Inc. (Alcoa), sem er hlutafélag stofnað í Pennsylvaníu, með póstfangið 201 Isabella Street, Pittsburgh, Pennsylvania, USA, varðandi mat og hugsanlega framkvæmd á stóriðjuverkefni sem tekur til byggingar álvers á Austurlandi.

-áframhald könnunarviðræðna
Fréttatilkynning

Fulltrúar Alcoa og Fjárfestingarstofunnar – orkusviðs hafa undirritað samkomulag um áframhald viðræðna um möguleika á byggingu álvers í Reyðarfirði.

Samkvæmt viðbótarsamkomulaginu er einnig til skoðunar að reisa 320.000 tonna álver í einum áfanga, sem yrði að fullu í eigu Alcoa. Orka kæmi frá virkjun við Kárahnjúka og veitu í Fljótsdal. Virkjunarframkvæmdir og rekstur orkumannvirkja verði í höndum Landsvirkjunar.

Alcoa mun áfram fara yfir matsskýrslur og úrskurði vegna umhverfisáhrifa álvers og orkumannvirkja til að tryggja að verkefnin standist umhverfisstefnu fyrirtækisins.

-samkomulag um könnunarviðræður
Fulltrúar Alcoa og Fjárfestingarstofunnar – orkusviðs, fyrir hönd iðnaðar- og viðskiptaráðuneytisins og Landsvirkjunar, undirrituðu í dag samkomulag um könnunarviðræður um möguleika á byggingu álvers í Reyðarfirði.

Hér fyrir neðan er hægt að lesa samninginn á ensku: